കയറിന്റെ അനന്തമായ സാധ്യതകൾ തിരിച്ചറിഞ്ഞ് കേരള സർക്കാർ 2003-ൽ C-DOCT നെ ദേശീയ തലത്തിലേക്ക് ഉയർത്തുകയും നാഷണൽ കയർ റിസർച്ച് ആന്റ് മാനേജ്‌മെന്റ് ഇൻസ്റ്റിറ്റ്യൂട്ട് എന്ന് നാമകരണം ചെയ്യുകയും ചെയ്തു. ഈ പരിവർത്തനം നാളീകേര നാരുകളെക്കുറിച്ചും അതിന്റെ ഉൽപ്പന്നങ്ങളെക്കുറിച്ചും സമഗ്ര ഗവേഷണത്തിനുള്ള ദേശീയ കേന്ദ്രമായി നാഷണൽ കയർ റിസർച്ച് ആന്റ് മാനേജ്‌മെന്റ് ഇൻസ്റ്റിറ്റ്യൂട്ടിനെ വിഭാവനം ചെയ്തു. ഈ പരിണാമത്തോടെ, ഗവേഷണം, വികസനം, കൺസൾട്ടൻസി, വിജ്ഞാന വ്യാപനം എന്നിവ ഉൾക്കൊള്ളുന്ന മികവിന്റെ കേന്ദ്രമായി മാറുന്നതിനായി NCRMI –പരിശ്രമം ആരംഭിച്ചു.
13 അംഗ ഭരണസമിതിയുടെ നേതൃത്വത്തിലാണ് ഇൻസ്റ്റിറ്റ്യൂട്ട് പ്രവർത്തിച്ച് വരുന്നത്. ഗവേഷണം, വികസനം, വ്യവസായം,അക്കാഡമിക്ക് എന്നീ മേഖലകളിൽ വ്യക്തി മുദ്രപതിപ്പിച്ച പ്രഗല്ഭരായവരാണ് NCRMI – യെ ശോഭനമായ ഭാവിയിലേക്ക് നയിച്ചുകൊണ്ടിരിക്കുന്നത്. ബഹുമാനപ്പെട്ട വ്യവസായ,നിയമ,കയർ വകുപ്പ് മന്ത്രി ശ്രീ. പി. രാജീവ് ആണ് NCRMI ഭരണസമിതിയുടെ അധ്യക്ഷൻ എന്നത് ഇതിൽ ശ്രദ്ധേയമാണ്.
NCRMI - യുടെ പ്രതിബദ്ധത കൂടുതൽ ഉറപ്പിക്കുന്നതിനായി എക്സിക്യൂട്ടിവ് കമ്മിറ്റിയും രൂപീകരിച്ചിട്ടുണ്ട്. കയർ മേഖലയുമായി ബന്ധപ്പെട്ട് വിവിധ പദ്ധതികൾ രൂപപ്പെടുത്തുന്നതിലും നടപ്പിലാക്കി വരുന്നതിലും ഈ സമർപ്പിത സംഘം സജീവമായി പങ്കെടുക്കുന്നു. രണ്ട് കമ്മിറ്റികളുടേയും സംയുക്ത പ്രയത്നത്തിലൂടെ നിരവധി പദ്ധ‌തികൾ വിജയകരമായി നടപ്പിലാക്കുവാൻ സാധിക്കുകയും, അത് ഈ പരമ്പരാഗത വ്യവസായത്തിന്റെ കാര്യമായ പുരോഗതിയിലേക്കും, നേട്ടങ്ങളിലേക്കും നയിക്കുകയും ചെയ്‌തു. NCRMI-യുടെ യാത്ര നൂതന ആശയങ്ങളെ പ്രോത്സാഹിപ്പിക്കുന്നതിനും കയർ വ്യവസായത്തെ അഭിവൃദ്ധിപ്പെടുത്തി ശോഭനമായ ഭാവി വിഭാവനം ചെയ്യുക എന്ന ലക്ഷ്യത്തോടെയുമാണ്. ശക്തമായ അടിത്തറയും മികവിനുള്ള കാഴ്‌ചപ്പാടും ഉള്ളതിനാൽ, ഇൻസ്റ്റിറ്റ്യൂട്ട് അതിന്റെ ശ്രദ്ധേയമായ പൈതൃകം തുടരാൻ സജ്ജമാണ്.